100 Jahre

100 Joor Bürgergmeini Ettigä als eigeständigi Institution – e schöni Zaal und notürlig e Grund zum fiire.

Mir luege nid nur hinterzi, sondern au fürzi… nämlig uf ä 21te Auguscht 2021.
An däm Samschtig mache mir ä Fescht, wo mir mit Euch wänn astosse und e gueti Zyt zämme ha.

Ab dä elfi gits für die Bürgerinne und Bürger wo sich agmälde hän, ä Apéro Riche und nach em Ässe dörf mä bim Poschtelauf go d’Bei vertrampe. Ab de zwei isch denn Feschtbetrieb für alli, wo wänn cho und für alli Zeeche, wo au no e Rung wei bliibe.

Sin dr scho wunderfitzig? Denn mäldet Euch bis Ändi Mai 2021 ah. Es wurdi uns fescht fröie, wenn dr drbii wäret. Und iir wüsset jo, mir sin keini Chümmiknüpfer! Z’viel düen mir nonig verrätsche! Gnaueri Agobe vom Fescht sälber, findet mä denn im Bibo, do uf dr Homepage und ä Zedel flatteret denn au no ins Huus.

Im 4. Band vo dr Ettiger Heimatkund cha mä uff Site 722 läse:
«Nicht was wir gemeinsam wa(h)ren, sondern was wir gemeinsam wollen, macht uns zur tragenden Gemeinschaft der Zukunft.»

Also mir hoffä uf coronafreii Zyte, luege positiv in Zuekunft und freue unsuff e 21te Auguscht 21! Lehret flissig s’Gugger-Lied! (Site nün im Band eins vo dr Heimatkund). Bliibed gsund und machet keini Fissibadände!

Im Namä vom OK / Bürgerrot

D’Bürgerschriibere
Claudia Thüring-Schaub