100 Jahre

Liebi Mitbürgerinne und Mitbürger

Liebi Alli, wo sich an unsere Apéro ahgmälde hän

Als Erschts möchte mir uns bi allnä härzlich bedangge; nämlig für’s Interässe uf unsere Alass und d’Amäldig an unsere Apéro. Es het uns wirglich gfreut, dass das Fescht so grosse Ahklang gfunde het!

Es fallt uns wirglich schwer, euch z’informiere, dass am letschte Zischtig beschlosse worde isch, dr Alass vom 21. Auguscht 2021 ab z’sage!

S’OK het sich das süferlig überlegt und isch zum Schluss cho, dass die immer no unsicheri Lag wäge COVID 19 und vor allem die no gältende Sicherheitsvorschriftä, für das Fescht schwer oder gar nid umsetzbar sin.  Au würdis  no sehr an Gmütlichkeit fehle und das wänn mir doch alli nid. Dorum wänn mir nüt dure murggse und hänge au nid dr Muffti use, sondern luege no meh fürzi, nämlig uf e 

Samschtig, dr 20. Auguscht 2022! Verschobe isch nid ughobe.

Mir hoffe, dir sind nögscht Joor au drbii und mir wärde euch denn wieder persönlich ahschriibe und uf em Laufende halte. Bliibet gsund und händ ä gueti Zyt!